VEB-DIZAYNER

Dizayn sahəsindəki yolum sosial media kontentləri ilə başlayıb, zamanla UX/UI dizayna fokuslanaraq davam edib. Müxtəlif sahələrdə və komandalarla işləməyim məni həm vizual zövq, həm də funksional düşüncə baxımından inkişaf etdirdi.

SkyGroup – İlk iş təcrübəm DemirciPlaza-da yerləşən SkyGroup şirkətində olub. Burada şirkətə aid 4-5 fərqli sosial media səhifəsinin bütün vizual postlarını təkbaşına hazırlayırdım. Kontent planlaması, dizayn və paylaşımın idarə olunması daxil olmaqla 2 ay aktiv şəkildə çalışdım. Şirkət iflas etdiyi üçün bu işim sonlandı.

Aksent Design Group – Daha sonra reklam sahəsində fəaliyyət göstərən bu şirkətdə qrafik dizayner olaraq çalışdım. Burada sosial media kontentləri ilə yanaşı, profil şəkilləri, highlight dizaynları, postlar, videolar, təqdimatlar, flyer-lər və hətta fasad reklam dizaynlarına qədər müxtəlif işlər görmüşəm.
Ən yadda qalan işlərimdən biri "Ego" kişi geyim mağazasının 28 May metrosu yaxınlığındakı çöl reklamıdır — bu reklam hal-hazırda aktiv şəkildə nümayiş olunur. Ancaq aparatlarla işləmə təcrübəmin olmaması səbəbilə müəyyən texniki çətinliklər yaşandı və qarşılıqlı anlaşma ilə işim sonlandı.

Digitolz komandası – Daha sonra öz sahəmə – UX/UI dizayna yönəldim və bu istiqamətdə təkmilləşmək üçün bir komandaya qoşuldum. Burada websaytlar, responsive dizaynlar, landing page-lər, sosial media postları və bannerlər hazırladım. Sosial media hesablarının sıfırdan qurulması və ümumi vizual idarə olunması da gördüyüm işlər arasında idi. Bu mərhələ həm texniki, həm də yaradıcı baxımdan çox şey öyrətdi.

İnventive – Hazırda bu şirkətdə UX/UI dizayner olaraq uzaqdan çalışıram. Layihələrin ilkin mərhələlərində admin panellər, ERP sistemlər kimi funksional dizaynlar hazırlamışam. Hal-hazırda dizayn ehtiyacı daha nadir olduğuna görə bu iş bütün vaxtımı almır və əlavə vaxtımı daha aktiv və öyrədici layihələrə sərf etmək istəyirəm.