MÜHƏNDIS-KONSTRUKTOR

Müasir avtomatlaşdırılmış proqram təminatlarından (CAD/CAM sistemləri və digər dizayn vasitələri) istifadə etməklə məmulatların eskiz, texniki və işçi layihələrinin hazırlanması üzrə ixtisaslaşmışam.

Hazırlanan konstruksiyaların texniki tapşırıqlara, müvafiq dövlət və beynəlxalq standartlara, texniki təhlükəsizlik qaydalarına və istehsalatın texnoloji-iqtisadi tələblərinə tam uyğun olmasını təmin edirəm.

Sxem və eskiz layihələr əsasında kinematik və konstruktiv həlləri formalaşdırır, məmulatların hissə-hissə və ümumi yığım sxemlərini dəqiqliklə tərtib edirəm.

İşçi layihələrin yoxlanılması və layihə prosesinə texniki nəzarətin aparılması sahəsində təcrübəyə malikəm; mürəkkəb detallardan naturadan eskiz çıxarma bacarığım var.

Texniki şərtlər, layihə sənədləri və əvvəlki cizgilərdə dəyişikliklərlə bağlı bildiriş vərəqələrinin tərtibində dəqiq və sistemli yanaşma tətbiq edirəm.

Yeni məhsulların və konstruksiyaların prototiplərinin hazırlanması, sınaqdan keçirilməsi və istismara verilməsində fəal iştirak edir, eyni zamanda məmulatların modernləşdirilməsi və təkmilləşdirilməsi proseslərində təşəbbüskar oluram.

Xammal, material və əmək sərfinin optimallaşdırılması istiqamətində qənaətcil və effektiv texnoloji həllər təklif edirəm.

İstehsalat gücünün artırılması, məhsulun keyfiyyətinin yüksəldilməsi və əməyin səmərəliliyinin artırılması məqsədilə layihə və texnoloji proseslərin inkişafında yaxından iştirak edirəm.

Sifarişçilərlə birgə texniki tapşırıqların hazırlanması, layihə mərhələlərinin razılaşdırılması və icrası üzrə təcrübəm var.Lazer, plazma, CNC torna, CNC freze, CNC büküm və müxtəlif sənaye avadanlıqları üçün layihələrin hazırlanması, həmçinin bu avadanlıqlar üçün CAM proqramlarının yazılması sahəsində geniş təcrübəyə malikəm.