Mən Murad, C#/.NET və Vue.js/Nuxt texnologiyaları üzrə ixtisaslaşmış Full-Stack proqramçıyam. Bakı Dövlət Universitetində «Kompüter elmləri» ixtisası üzrə bakalavr təhsilimi tamamlamışam və hazırda UNEC-də «İqtisadiyyatda intellektual texnologiyalar» istiqamətində magistraturada təhsilimi davam etdirirəm.
Gündəlik işimdə əsas diqqətimi təmiz backend arxitekturasının qurulmasına və rahat, sürətli veb tətbiqlərin yaradılmasına yönəldirəm. Backend tərəfdə ASP.NET Core Web API, Entity Framework Core, asinxron proseslər və növbələr üçün RabbitMQ, real vaxt bildirişləri üçün isə SignalR ilə işləyirəm. Relasion bazalarla (PostgreSQL, MS SQL) işləməyi, sorğuların optimallaşdırılmasını və indekslərin düzgün qurulmasını praktiki olaraq mənimsəmişəm.
Frontend hissəsində Vue.js 3, Nuxt 3 və Tailwind CSS ilə müasir, responsiv SPA/SSR tətbiqlər hazırlayıram. Bundan əlavə, layihələrin Linux (Ubuntu) mühitində Docker və Nginx ilə deploy olunması və idarə edilməsi sahəsində praktiki təcrübəm var.
Məsuliyyətli, müstəqil qərar verə bilən və problemlərin kökünə enib onları tez həll etməyə çalışan bir iş tərzim var. Azərbaycan və rus dilləri ilə yanaşı, alman (B2) və ingilis (B1) dillərində ünsiyyət qura və texniki sənədlərlə sərbəst işləyə bilirəm. Komandaya real dəyər qatan, keyfiyyətli və dayanıqlı həllər hazırlamaqda maraqlıyam.
Azərbaycan Dövlət İqtisad Universiteti (UNEC)
Bakı Dövlət Universiteti (BDU)
Code Academy
Septem Tech (07/2025 – indiyədək)
Vəzifə: Full-Stack Developer
Əsas texniki yük və təcrübəm bu şirkətdə formalaşıb. C# və ASP.NET Core ilə həm daxili servis və panellərin, həm də xarici müştərilər üçün nəzərdə tutulmuş Web API-lərin yazılması və saxlanılması ilə məşğul olmuşam.
Sistemdə gecikmələrin qarşısını almaq üçün ağır arxa plan proseslərini — məsələn, böyük həcmli məlumatların import/eksportunu, hesabatların formalaşdırılmasını və kütləvi bildirişləri birbaşa API-dən çıxarıb RabbitMQ worker-lərinə keçirmişəm. İstifadəçilərə canlı status yeniləmələri və ani bildirişlər çatdırmaq üçün SignalR əlaqəsi qurmuşam. Verilənlər bazası tərəfində PostgreSQL və MS SQL ilə işləmişəm; sorğuların vaxtını azaltmaq üçün indeksləri tənzimləmiş, lazım gəldikdə cədvəl strukturlarını və SQL sorğularını optimallaşdırmışam. Həmçinin servis və modulların Docker konteynerlərində stabil işləməsinə nəzarət etmişəm.
TezFinance Tech (12/2024 – 07/2025)
Vəzifə: Full-Stack Developer
Burada əsasən şirkətdaxili istifadə üçün nəzərdə tutulan idarəetmə sistemlərinin hazırlanmasında iştirak etmişəm.
Backend tərəfdə ASP.NET Web API ilə yeni funksional hissələr yazmış, mövcud köhnə kodların refaktorinqini aparmışam. Frontend tərəfdə isə Vue.js, Nuxt 3 və Tailwind CSS istifadə edərək responsiv və rahat interfeyslər hazırlamışam. Gündəlik iş prosesi komanda ilə Git və GitHub üzərindən aparılıb (task branch-lərinin açılması, pull request-lər və code review).