Elsevər Miryaqub Əliyev

Peşəkar fəaliyyətim ərzində insan resurslarının idarə edilməsi, təhlükəsizlik sahəsində rəhbərlik, layihələrin koordinasiyası və iri miqyaslı tədbirlərin təşkili üzrə geniş təcrübə əldə etmişəm. İllər ərzində müxtəlif səviyyələrdə böyük komandaların idarə olunması, proseslərə nəzarət, risklərin qiymətləndirilməsi və operativ qərarların qəbul edilməsi mənim əsas peşəkar istiqamətlərim olub.

Hərbi xidmət və rəhbər vəzifələrdə qazandığım təcrübə mənə intizam, məsuliyyət, çevik qərarvermə və mürəkkəb vəziyyətlərdə soyuqqanlı fəaliyyət göstərmək bacarığı qazandırıb. Sonrakı peşəkar fəaliyyətimdə isə bu təcrübəni müasir layihə və təhlükəsizlik idarəetməsi prinsipləri ilə birləşdirərək tətbiq etmişəm.

GESCO mühafizə şirkətində layihə rəhbəri kimi layihələrin koordinasiyası, xidmət keyfiyyətinə nəzarət, hesabatların və analizlərin hazırlanması, müştərilərlə iş, yeni obyektlərin qiymətləndirilməsi, eləcə də iri və xüsusi əhəmiyyətli tədbirlər zamanı təhlükəsizlik proseslərinin təşkili və idarə olunması üzrə fəaliyyət göstərmişəm. COP29, WUF-13, Formula 1 və digər böyük tədbirlərdə əldə etdiyim təcrübə yüksək məsuliyyət, dəqiqlik və komanda işinin vacibliyini bir daha göstərib.

Mənim üçün uğurlu layihə yalnız tapşırığın yerinə yetirilməsi deyil. Əsas məqsəd düzgün planlaşdırma, risklərin əvvəlcədən müəyyənləşdirilməsi, resursların səmərəli idarə olunması və komandanın vahid məqsəd ətrafında birləşdirilməsi hesabına davamlı və ölçülə bilən nəticə əldə etməkdir.

Hazırda əldə etdiyim idarəetmə və təşkilati təcrübəni yeni və daha geniş məsuliyyət tələb edən bir vəzifədə tətbiq etmək, eyni zamanda yeni biliklər qazanaraq peşəkar inkişafımı davam etdirmək istəyirəm.

BABKM-1999, sərhəd qoşunları fakultəsi

GESCO mühafizə şirkətində layihə rəhbəri (ehtiyyatda olan polkovnik)