Neft-qaz və sənaye tikintisi layihələrində qaynaq və boru xətləri üzrə keyfiyyətə nəzarət təcrübəsinə malikəm. Təcrübəm qaynaqdan əvvəl yığmanın (fit-up), qaynaq birləşmələrinin və boru xətlərinin layihə sənədlərinə, təsdiqlənmiş qaynaq prosedurlarına və tətbiq olunan standartlara uyğunluğunun yoxlanılmasını əhatə edir.
WPS, PQR və qaynaqçı kvalifikasiya sənədləri ilə işləmək, izometrik çertyojları və P&ID sxemlərini oxumaq, materialların izlənəbilərliyini yoxlamaq üzrə təcrübəm var. Dağıdıcı olmayan nəzarət (NDT) işlərinin koordinasiyası, yoxlama nəticələrinin və hesabatların izlənilməsi, qaynaq jurnallarının aparılması ilə məşğul olmuşam. ASME, API və AWS standartları ilə iş təcrübəm, vizual və ölçü nəzarəti (VİK) üzrə II səviyyə sertifikatım var.
Uyğunsuzluqların qeydə alınması, NCR və punch-list üzrə düzəlişlərin izlənilməsi, təkrar inspeksiyaların təşkili və sifarişçi nümayəndələri ilə koordinasiya əsas iş istiqamətlərimdəndir. Excel vasitəsilə qaynaq və NDT məlumatlarının uçotunu, görülmüş və qalan işlərin hesabatını hazırlayıram.
Qaynaq inspektoru və ya boru xətləri üzrə QC inspektoru vəzifəsində təcrübəmi tətbiq edə biləcəyim iş imkanları ilə maraqlanıram.