İş təcrübəm ərzində sosial media dizaynları, reklam materialları, brendinq, çap məhsulları və müxtəlif tədbirlər üçün vizual materialların hazırlanması ilə məşğul olmuşam. Xüsusilə korporativ tədbirlərin, forumların və sərgilərin vizual tərtibatı sahəsində praktiki təcrübə qazanmışam.
Adobe Photoshop, Adobe Illustrator və CorelDRAW proqramları ilə işləmək bacarığına malikəm. Bununla yanaşı, süni intellekt alətlərindən istifadə edərək yaradıcı ideyaların formalaşdırılması və dizayn prosesinin optimallaşdırılması istiqamətində biliklərimi inkişaf etdirirəm.
İş prosesində detallara diqqət, rəng harmoniyası, kompozisiya və vizual estetika mənim üçün əsas prioritetlərdəndir. Hər bir layihəyə fərdi yanaşaraq brendin kimliyinə və verilən tapşırığın məqsədinə uyğun dizayn həlləri hazırlamağa çalışıram.
Azərbaycan Dövlət Mədəniyyət və İncəsənət Universitetində Qrafik dizayn ixtisası üzrə ali təhsil almışam. 2024-cü ildə universiteti bitirmişəm.
IT Brains Academy-də qrafik dizayn sahəsi üzrə 3 aylıq təcrübə proqramında iştirak etmişəm. Daha sonra COMELSON şirkətində qrafik dizayner vəzifəsində fəaliyyətə başlamışam. Artıq 3 aydır ki, bu şirkətdə çalışıram və hazırda da peşəkar fəaliyyətimi burada davam etdirirəm.