Konsaltinq şirkətlərində mühasibatlıq üzrə iş təcrübəm var. Ticarət, logistika, restoran və xidmət sahələrində fəaliyyət göstərən müəssisələrin mühasibat və vergi əməliyyatları ilə məşğul olmuşam. E-taxes, ƏMAS, e-gov elektron portalları və bank sistemləri ilə işləmək bacarığına malikəm. Bilik və bacarıqlarımı inkişaf etdirərək yeni təcrübələr qazanmağı və peşəkar fəaliyyətimi təkmilləşdirməyi hədəfləyirəm.
- Elektron vergi sistemi ilə işləmək: onlayn kargüzarlıq, e-qaimə, depozit hesabı və ərizələr bölməsi üzrə əməliyyatların həyata keçirilməsi;
- Elektron qaimə-fakturaların tərtib edilməsi, düzəliş və ləğv əməliyyatlarının aparılması, qaytarma qaimələrinin və əmtəə-nəqliyyat qaimələrinin hazırlanması;
- Elektron alış aktlarının, müqavilələrin, hesab-fakturaların, təhvil-təslim aktlarının, qiymət razılaşdırma protokollarının və qarşılıqlı hesablaşma aktlarının tərtib edilməsi;
- İnternet bankçılıq vasitəsilə ödənişlərin həyata keçirilməsi, valyuta mübadiləsi və vergi ödənişlərinin icrası;- Kreditor və debitor borclarının uçotunun aparılması, qarşılıqlı hesablaşmaların izlənilməsi və üzləşmələrin həyata keçirilməsi;
- ƏDV, Sadələşdirilmiş vergi, Ödəmə mənbəyində tutulan vergi (ÖMV) və Muzdlu işlə əlaqədar vahid hesabatların hazırlanması və təqdim edilməsi;
- Aylıq və rüblük statistik hesabatların hazırlanması və aidiyyəti qurumlara təqdim olunması;
- Bank hesablarının açılması, əməkhaqqı və biznes kartlarının sifarişi ilə bağlı əməliyyatların həyata keçirilməsi;
- Onlayn kargüzarlıq sisteminə daxil olan sorğu və müraciətlərin araşdırılması, qanunvericiliyin tələblərinə uyğun cavablandırılması;
- İşçilərin əməkhaqlarının hesablanması, müvafiq tutulmaların aparılması və ödənişlərin həyata keçirilməsi;
- ƏMAS portalı vasitəsilə işçilərin qeydiyyatı, struktur bölmələrin və ştat vahidlərinin yaradılması, əmək müqavilələrinin rəsmiləşdirilməsi, müqavilələrə dəyişiklik edilməsi və xitam prosedurlarının icrası